700 SQFT 2 BHK Home
700 SQFT 2 BHK Home: സ്വന്തമായി വലിയ കടബാധ്യതകൾ ഒന്നുമില്ലാതെ ലളിതവും മനോഹരവുമായ ഒരു കുഞ്ഞു ഭവനം കെട്ടിപ്പടുക്കുക എന്നത് ഏതൊരു കുടുംബത്തിൻ്റെയും വലിയൊരു ആഗ്രഹമാണ്. അത്തരത്തിൽ കുറഞ്ഞ ചെലവിൽ എല്ലാവിധ ആധുനിക സൗകര്യങ്ങളോടും കൂടി നിർമ്മിച്ച ഒരു വീടിൻ്റെ വിശേഷങ്ങളിലേക്ക്. ആലപ്പുഴ ജില്ലയിലെ പൂച്ചാക്കലിന് സമീപമുള്ള തുറവൂരിലാണ് വാസ്തുശാസ്ത്ര പ്രകാരം നിർമ്മിച്ച ഈ മനോഹര വീട് സ്ഥിതി ചെയ്യുന്നത്.
വീട്ടുകാരൻ തന്നെ സ്വന്തമായി ഡിസൈൻ ചെയ്ത ഈ വീടിൻ്റെ ഏറ്റവും വലിയ പ്രത്യേകത നിർമ്മാണത്തിനായി പ്രധാനമായും വി-ബോർഡ് ഉപയോഗിച്ചു എന്നതാണ്. ആകെ 12 ലക്ഷം രൂപ ബജറ്റിൽ സർവ്വമാന ഇൻ്റീരിയർ വർക്കുകളും ഫർണിച്ചറുകളും ഈ വീടിൻ്റെ പണി പൂർത്തിയായിരിക്കുന്നു. വളരെ ചുരുങ്ങിയ ചെലവിൽ നിർമ്മാണം പൂർത്തിയാക്കിയെങ്കിലും വീടിൻ്റെ ബിൽഡ് അപ്പ് ക്വാളിറ്റിയിലോ ഇൻ്റീരിയർ ഫിനിഷിലോ യാതൊരു തരത്തിലുള്ള വിട്ടുവീഴ്ചയും വരുത്തിയിട്ടില്ല.
കൃത്യം 7 സെൻ്റ് സ്ഥലത്ത് 700 സ്ക്വയർ ഫീറ്റ് ടോട്ടൽ ഏരിയയിലാണ് വീട് വ്യാപിച്ച് കിടക്കുന്നത്. മനോഹരമായ സിറ്റ്ഔട്ട്, വിശാലത തോന്നിപ്പിക്കുന്ന ലിവിംഗ് ഹാൾ, ഡൈനിംഗ് ഏരിയ, സെമി ഓപ്പൺ കിച്ചൺ, 2 ബെഡ്റൂമുകൾ, കോമൺ ബാത്ത്റൂം എന്നിവയെല്ലാം അടങ്ങിയതാണ് ഈ കുഞ്ഞു ഭവനം. അകത്തളങ്ങളിൽ കാറ്റും പകൽ വെളിച്ചവും ആവശ്യത്തിന് ലഭ്യമാക്കാൻ 26 അലുമിനിയം ജനലുകൾ നൽകിയിട്ടുണ്ട്.
കൂടാതെ മനോഹരമായ ഫോൾ സീലിംഗ്, ലൈറ്റ് കളർ ടൈലുകൾ, കർട്ടൻ വർക്കുകൾ എന്നിവയെല്ലാം വീടിന് കൂടുതൽ ആഡംബര ലുക്ക് നൽകുന്നു. ചുവരുകൾ ഡബിൾ സ്കിൻ ആയി നിർമ്മിച്ചതിനാൽ പുറത്തുനിന്നു നോക്കിയാൽ വി-ബോർഡ് വീടാണെന്ന് എളുപ്പത്തിൽ മനസ്സിലാവുകയുമില്ല. ചെലവ് ചുരുക്കി സ്വന്തമായി ഒരു ഭവനം സ്വപ്നം കാണുന്ന ഏതൊരാൾക്കും കണ്ടു പഠിക്കാനും മാതൃകയാക്കാനും പറ്റിയ മികച്ചൊരു ഹോം കോൺസെപ്റ്റ് തന്നെയാണ് ഇത്. 700 SQFT 2 BHK Home Vide Credit : PADINJATTINI
Also Read : ഒറ്റ നിലയിൽ എല്ലാ സൗകര്യങ്ങളോടും കൂടിയ വീട്; 1300 സ്ക്വയർ ഫീറ്റ് 2 ബെഡ്റൂം ഹോം